羅霖不倒胸 - 羅霖不倒胸

羅霖不倒胸　現年48歲嘅羅霖，自從同劉坤銘離婚後，反而更加活躍娛樂圈，雖然貴為三子之母，但羅霖唔再錫身，頻以低胸性感形象示人。

羅霖不倒胸

48歲羅霖護不倒胸 晚晚按摩 餵人奶助升cup
48歲「美魔女」羅霖近日頻頻出動，宣傳新片《愛‧尋‧迷》，每次都以性感打扮驚艷現身，笑容滿面，態度一等一專業，其實有苦自知。同前夫劉坤銘辦離婚手續，向遭對方索每月五位數贍養費，令月花10萬撐起頭家嘅羅霖跌落人生谷底。

羅霖不倒胸

今日出版之周刊同羅霖作深情專訪，羅霖謂離婚官司令佢大受壓力，更因為咁而令佢持續失眠。一提到就快50喇，又經歷過感情重創，羅霖話，如果真係要再搵另一半，首要條件一定要養得起佢:「最理想係我唔使做嘢，佢養得起我，可以照顧到我同囝囝。」但講講下，羅霖都灰爆:「我年紀唔細，又係一個離過婚有三個仔嘅女人，連我自己都接受唔到自己個仔娶個離過婚嘅女仔，所以冇男人會要我，睇下我有冇咁嘅福氣，好唔好命。」

羅霖不倒胸

雖然年紀已不輕，但羅霖真係保養有道，佢更大方分享護胸之道，原來都離不開按摩二字。羅霖話每日洗完白白之後一定全身搽護膚lotion，每月定期做兩至三次人手推脂通淋巴。羅霖謂:「生仔嗰陣因為每次都餵人奶到半歲，當時都升咗兩、三cup，依家上圍比以前大咗，但年紀問題，加上地心吸力，所以都會做加強胸部結實運動，亦會每晚自己按摩。」

羅霖不倒胸

羅霖又溫馨提示各位，女人就算覺覺豬，最好都戴番個冇鋼線嘅綿質內衣，保持胸形不變。至於護理肌膚，之前羅霖接受本報專訪時，都同大家開心些牙過，就係每朝早飲鮮奶煮麥皮，兩隻烚蛋，淨係食蛋白，同埋食兩碗粥，秘訣係少食多餐。「我會敷好多mask，十分鐘唔使沖水，用凍水洗面，可以收縮毛孔，冬天開暖爐可以搽一隻overnight mask面加頸，仲有一樣嘢，全身要搽body lotion，一年四季，夏天清爽，冬天可以潤啲，咁皮膚就可以好滑。」記住喇！

羅霖不倒胸