【新聞人物】肯雅徐

小編按：肯雅徐早幾日已經去咗日本做好準備。阿奴都有去到跑。不過佢就失晒魂走咗去女子區囉。同阿奴齊齊高舉V字手勢，確係勁呀！

肯雅徐

「肯雅徐」三星期內　完成第二個全馬 sub4完成比賽
之前喺「渣馬」跑出佳績嘅「肯雅徐」徐濠縈，前日踏入40歲，佢就繼續跑跑跑，今次就同商台DJ Donold去咗日本名古屋，參加馬拉松比賽。

今日阿徐同Donald終於都跑咗喇，阿徐喺instagram話：「三星期內完成了第二個全馬，名古屋馬拉松，今次和Donald Tong（903 DJ阿奴）代表the night runners一起出賽，雖然跑到40K出現抽筋情況要停低，但最後總算以sub4完成了比賽。」

「sub4」即係四小時之內完成42公里，其實真係唔容易，「肯雅徐」中途抽筋都有咁好成績，真係好唔簡單呀！唔怪得佢去到終點，同Donald齊齊高舉V字手勢啦！ 

同行嘅Donald都有喺微博分享呢次比賽，不過佢就只係跑咗半馬，佢仲大頭蝦走咗去女子區，佢喺微博話：「去到名古屋馬拉松現場，發現有很多日本美女都望著我，我以為自己很受歡迎，但原來我走錯到女子馬拉松區域。」又會咁嘅？